Հենրիխ Մխիթարյանը հարցազրույց է տվել «Արսենալ»-ին (տեսանյութ)

Հենրիխ Մխիթարյանն առաջին հարցազրույցն է տվել Լոնդոնի «Արսենալ» հեռուստաալիքին:

-Հներիխ, ողջունում ենք քեզ: Ինչպես ես քեզ զգում «Արսենալում»:

-Ես շատ ուրախ եմ, որ այս գործարքը վերջապես կայացավ եւ ես արդեն այստեղ եմ: Սա իմ երազանքն էր: Ես վաղուց եմ երազել հանդես գալ «Արսենալում»: Հուսով եմ, որ մենք միասին նոր պատմություն կկերտենք:

-Դեռեւս 2009 թվականի հունվարին ՈՒԵՖԱ-ի կայքին տված հարցազրույցի ժամանակ ասել էիք, որ կուզեիք խաղալ «Արսենալում»: Ինչո՞ւ:

-Ինձ միշտ դուր է եկել «Արսենալի» ցուցադրած ֆուտբոլը, թե ինչպես է Արսեն Վենգերը կառուցում թիմի խաղը: Այն ժամանակ թիմում շատ երիտասարդ ֆուտբոլիստներ կային, սակայն մարզիչը լավ էր նրանց խաղացնում:

-Դուք հարձակողական ոճի կիսապաշտպան եք, բայց ո՞րն է ձեր ամենասիրած խաղային դիրքը: 

– Խաղադաշտի ցանկացած հատվածը: Ես չեմ մնում նույն դիրքում, միշտ շարժվում եմ, որպեսզի ազատ տարածություններ ստեղծեմ իմ խաղընկերների համար:

-Ըստ քեզ, որոնք են քո ուժեղ կողմերը:

-Ես չգիտեմ: Լավ կլինի, որ այդ հարցը ուղղեք թիմի մենեջերին:

-Թիմի ֆուտբոլիստներից ո՞ւմ հետ կուզեիք ավելի շատ խաղալ:

-Բոլորի: Առանց բացառության: Ես կուզեի խաղալ բոլորի հետ, որպեսզի կարճ ժամանակում կարողանամ համագործակցել բոլորի հետ: Հույս ունեմ, որ դա կստացվի իմ մոտ:

Հավելենք, որ Հենրիխ Մխիթարյանը երկարատեւ պայմանագիր է կնքել Լոնդոնի «Արսենալի» հետ, որի ժամկետն առայժմ հայտնի չէ:

«Արսենալի» գլխավոր մարզիչ Արսեն Վենգերն այսպես է բնութագրել իր թիմի նորեկին. «Հենրիխը կատարյալ ֆուտբոլիստ է: Նա կարողանում է պահեր ստեղծել, լավ պաշտպանվել, մեծ ծավալի աշխատանք է կատարում դաշտում: Պետք է նշեմ, որ նա ունի բարձրակարգ ֆուտբոլիստին բնորոշ բոլոր որակները», – ասել է ֆրանսիացի մասնագետը: