Վարչապետն այսօր դժգոհ էր կառավարության անդամներից
Գործադիր մարմնի հերթական նիստում վարչապետ Կարեն Կարապետյանը հայտնեց իր դժգոհությունը, երբ կառավարության անդամները նախագիծը ներկայացնելուց հետո, լրացուցիչ ժամանակ էին խնդրում աշխատելու համար: «Էլի սկսո՞ւմ ենք նույն պատմությունը, ռեգուլյար չի կարելի չէ՞ դա անել՝ մեկ օր, երեք օր»,- կառավարության աշխատակազմի ղեկավար Վահե Ստեփանյանին ասաց վարչապետը: Հաջորդ դիտողությունը վերաբերում էր Կրթության եւ գիտության նախարարին, երբ նա ներկայացնում էր «Բարձրագույն կրթության» և մի շարք այլ օրենքներում փոփոխությունների հարցը: «Լրացուցիչ ժամանակ է պետք զուտ այսինչ փոփոխության համար»,- ասաց Լեւոն Մկրտչյանը: Կարեն Կարապետյանն էլ հակադարձեց. « Այդ զուտերը այնպես արեք, որ չլինի: Երկու օր քննարկել ենք, զուտ, զուտ...Բոլոր դիտողությունները հնարավոր չէ՞ մինչև կառավարության նիստն անել»,-ասաց նա: Նախագիծը ներկայացնելուց հետո, նախապես հայցելով վարրչապետի ներողամտությունը, երկու օր ժամանակ խնդրեց նաեւ փոխվարչապետ Վաչե Գաբրիելյանը: Նրան, սակայն, Կարեն Կարապետյանը ոչինչ չասաց:
