A
A
«Սասնա ծռեր» խմբի անդամը դուրս եկավ հացադուլից
«Սասնա ծռեր» խմբի անդամ Սմբատ Բարսեղյանը դադարեցրել է 26 օր տեւած հացադուլը։ ԱՆ քրեակատարողական վարչության հանրային կապերի վարչության պետ Գոռ Ղլեչյանը «Ա1+»-ին հայտնեց, որ տարված բացատրական աշխատանքներից հետո Սմբատ Բարսեղյանը դիմում է գրել եւ դուրս եկել հացադուլից: «Սասնա ծռեր» խմբի անդամը տեղափոխվել է «Նուբարաշեն» ՔԿՀ-ի բուժմաս եւ նրա առողջական վիճակը գնահատվում է բավարար։ Հիշեցնենք, որ «Սասնա ծռեր» խմբի անդամ Արմեն Բիլյանը դեկտեմբերի 19-ից, իսկ Սմբատ Բարսեղյանը դեկտեմբերի 21-ից հացադուլ էին հայտարարել: Նրանք պահանջում էին իրենց «Նուբարաշեն» ՔԿՀ-ից տեղափոխել «Արմավիր» ՔԿՀ։ Արմեն Բիլյանը հունվարի 12-ին դադարեցրել էր հացադուլը եւ տեղափոխվել «Դատապարտյալների հիվանդանոց» ՔԿՀ։