Խորեն Հովհաննիսյանն այսօր նշում է ծննդյան 63-րդ տարեդարձը
Այսօր հայկական ֆուտբոլի կենդանի լեգենդներից մեկի՝ Խորեն Հովհաննիսյանի ծննդյան օրն է:
Երեք տարի առաջ Երեւանի «Փյունիկի» ներկայիս սեփականատեր Արթուր Սողոմոնյանի հովանավորությամբ «Հանրապետական» մարզադաշտում մեծ շուքով նշվեց անվանի վետերանի 60-ամյակը:
Այն ժամանակ Խորեն Հովհաննիսյանը չէր աշխատում ֆուտբոլային որեւէ ակումբում կամ կազմակերպությունում:
Այսօր էլ վիճակը չի փոխվել: «Ա1+»-ի մարզական լրագրողի հետ զրույցում Հայաստանի 20-րդ դարի լավագույն ֆուտբոլիստը տեղեկացրեց, որ դեռեւս ոչ մի ակումբում չի աշխատում, չնայած վերջերս լուրեր են պտտվում, որ Խորեն Հովհաննիսյանը հնարավոր է կրկին դառնա «Փյունիկի» ղեկավարներից մեկը:
Հավելենք, որ անվանի ֆուտբոլիստի վերջին աշխատատեղին եղել է Տաշքենտի «Լոկոմոտիվը», որը նրա գլխավորությամբ 2012 թվականին դարձել է Ուզբեկստանի առաջնության բրոնզե մեդալակիր:
Դրանից հետո Խորեն Հովհաննիսյանին այլեւս չենք հանդիպել մարզչական պաշտոնում:
