A
A
Հայաստանին Նոր տարում առաջին հաղթանակը պարգեւեց Տիգրան Կ. Հարությունյանը
Արաբական Միացյալ Էմիրությունների Ալ Այն քաղաքում ավարտված շախմատի երիտասարդական բաց առաջնությունում հաղթանակ տարավ Հայաստանի ներկայացուցիչ Տիգրան Կ. Հարությունյանը: Վերջին 9-րդ տուրում 20-ամյա միջազգային վարպետը ոչ-ոքի խաղաց իր գլխավոր մրցակցի՝ հնդիկ գրոսմայստեր Դիպտայան Գրոշի հետ, վաստակեց 7,5 միավոր եւ զբաղեցրեց առաջին տեղը: Մեր մյուս շախմատիստներ ՖԻԴԵ-ի վարպետներ Արթուր Դավթյանն ու Վահե Դանիելյանը, ինչպես նաեւ վարպետության թեկնածու Հովհաննես Հ. Հակոբյանը, ինը հնարավորից վաստակեցին 7-ական միավոր եւ բաժանեցին 3-10-րդ տեղերը: Կանանց միջազգային վարպետ Սոնա Ասատրյանը 6,5 միավորով մրցաշարն ավարտեց 16-րդ տեղում: Նա, սակայն, հաղթող ճանաչվեց շախմատիստուհիների մեջ:
