«Մանչեսթեր Սիթին» հաղթեց «Մանչեսթեր Յունայթեդին»
Ֆուտբոլի Անգլիայի առաջնության 16-րդ տուրի կենտրոնական խաղում «Մանչեսթեր Սիթին» հյուրընկալվելիս 2:1 հաշվով հաղթեց «Մանչեսթեր Յունայթեդին»: Խաղի հաշիվը 43-րդ րոպեին բացեց հյուրերի կիսապաշտպան Դավիդ Սիլվան, սակայն երկու րոպե անց տանտերերի հաչձակվող Մարկուս Ռեշֆորդն արագ վերականգնեց հավասարակշռությունը: Երկրորդ խաղակեսում գրանցվեց ընդամենը մեկ գոլ: Աչքի ընկավ «Մանչեսթեր Սիթիի» պաշտպան Նիկոլաս Օտեմենդին: Հենց այդ գնդակն էլ վճռեց հանդիպման ելքը՝ 1:2: Այդպիսով, «Մանչեսթեր Սիթին» հյուրընկալվելիս տարավ 8-րդ անընդմեջ հաղթանակը, վաստակեց 46 միավոր եւ էլ ավելի ամրապնվեց առաջին հորիզոնականում: Երկրորդ տեղում գտնվող «Մանչեսթեր Յունայթեդն» առաջատարից արդեն ետ է մնում 11 միավորով: Ինչպես արդեն հայտնել են, տանտերերի կազմում հանդես եկող մեր ֆուտբոլիստը չէր ընդգրկվել թիմի հայտացուցակում եւ բաց թողեց խաղը:
