A
A
ՖԻԴԵ-ի «Գրան Պրի». մրցաշարի ընդմիջմանը Լևոն Արոնյանը ֆուտբոլ է խաղացել
Իսպանիայի Պալմա դե Մալյորկա քաղաքում ընթացող ՖԻԴԵ-ի «Գրան Պրի» խաղարկության 4-րդ փուլի մրցաշարում այսօր տեղի կունենան 6-րդ տուրի պարտիաները:
Մրցաշարային աղյուսակը 3,5 միավորով գլխավորող Լեւոն Արոնյանը սպիտակ խաղաքարերով կհանդիպի ռուսաստանցի Պյոտր Սվիդլերի հետ, որը 3 միավորով այժմ հինգ շախմատիստների հետ բաժանում է 2-7-րդ տեղերը: Նրանք են ֆրանսիացի Մաքսիմ Վաշիե-Լագրավը, ամերիկացի Հիկարու Նակամուրան, չինացի Դին Լիժենը, հնդիկ Պենտալա Հարիկրիշնան եւ ռուսաստանցի Դմիտրի Յակովենկոն:
Ի դեպ, երեկ հայտարարված հանգստյան օրը Լեւոն Արոնյանը մի քանի շախմատիստների հետ ֆուտբոլ է խաղացել:
