Ուղիղ. «Գանձասար-Կապան» - «Շիրակ». Թիմերին բաժանում է ընդամենը մեկ միավոր (տեսանյութ)
Ֆուտբոլի Հայաստանի բարձրագույն խմբի առաջնությունում այսօր կկայանա 13-րդ տուրի երկրորդ հանդիպումը: Կապանի «Գանձասար-Կապանը» Երեւանի «Հանրապետական» մարզադաշտում կընդունի Գյումրիի «Շիրակին»: Կապանցիները 19 միավորով այժմ զբաղեցնում են 2-րդ տեղը, իսկ շիրակցիները 18-ով գտնվում են 4-րդ հորիզոնականում՝ լրացուցիչ գործակիցներով ետ զիջելով նույնքան միավոր ունեցող «Բանանցից»: Հարկ է նշել, որ «Գանձասար-Կապանն» նախորդ 9 խաղերում պարտություն չի կրել, իսկ ահա «Շիրակը», հակառակը, նախորդ 7 հանդիպումներում հաղթանակ չի տարել: Չնայած դրան, բուքմեյքերները հավասար են գնահատում թիմերի շանսերը՝ 2,50 գործակից ընդդեմ 2,60-ի: «Գանձասար-Կապան» - «Շիրակ» հանդիպումը կմեկնարկի ժամը 16:00-ին: Ֆուտբոլասերներն այն ուղիղ եթերով կարող են դիտել նաեւ մեր կայքէջում՝ ստորեւ: