Բուքմեյքերները որոշել են 2018թ աշխարհի առաջնության ֆավորիտներին
Ֆուտբոլի 2018 թվականի աշխարհի առաջնության ընտրական փուլի ավարտից հետո, երբ հայտնի դարձան եզրափակիչ մրցաշարի մասնակից 32 հավաքականները, բուքմեյքերային գրասենյակներն անմիջապես հրապարակել են մրցաշարի ֆավորիտների ցանկը: Ըստ դրանց, աշխարհի չեմպիոնի կոչումը նվաճելու ռեալ հնարավորություն ունեն Բրազիլիայի եւ Գերմանիայի հավաքականները, որոնց հաղթանակը գնահատել են 6,00 գործակիցով: Երրորդ տեղում գտնվում է Ֆրանսիայի ընտրանին, որի շանսերը հավասար է 7,00 գործակից: Այնուհետեւ հաջորդում են Իսպանիան (8,50), Արգենտինան (9,00) եւ Բելգիան (13,00): Առաջնության կազմակերպիչ երկրի՝ Ռուսաստանի հավաքականը, բուքմեյքերների ցուցակում 34,00 գործակիցով զբաղեցնում է 9-րդ տեղը: 2018թ աշխարհի առաջնության եզրափակիչ մրցաշարը տեղի կունենա հունիսի 14-ից մինչեւ հուլիսի 15-ը Ռուսաստանի 11 քաղաքների՝ Մոսկվայի, Սանկտ Պետերբուրգի, Սամարայի, Նիժնի Նովգորոդի, Կազանի, Սոչիի, Դոնի Ռոստովի, Սարանսկի, Վոլգոգրադի, Կալինինգրադի, Եկատերինբուրգի 12 մարզադաշտերում: Եզրափակիչ մրցաշարի վիճակահանությունը տեղի է կունենա այս տարվա դեկտեմբերի 1-ին, Մոսկվայում:
