Արշակ Պետրոսյանը մեկնարկային կազմից հանել է Սերգեյ Մովսիսյանին
Հունական Հերսոնիսոս քաղաքում ընթացող շախմատի Եվրոպայի թիմային առաջնությունում այսօր կկայանան 7-րդ տուրի հանդիպումները: Տղամարդկանց մրցաշարում Հայաստանի հավաքականը կհանդիպի Գերմանիայի ընտրանու հետ: Մեր թիմի մարզիչ Արշակ Պետրոսյանը փոփոխություն է կատարել կազմում: Սերգեյ Մովսիսյանի տեղը հանդես կգա Հայաստանի այս տարվա չեմպիոն Հովհաննես Գաբուզյանը: Ձեզ ենք ներկայացնում հանդիպման զույգերը. Դիտեր-Լիվիու Նիսիպեանում – Լեւոն Արոնյան Գաբրիել Սարգսյան – Մատիաս Բլիբաում Դանիել Ֆրիդման - Հրանտ Մելքումյան Հովահննես Գաբուզյան – Ռասմուս Սվանե Կանանց առաջնությունում Հայաստանի հավաքականն այս տուրում ուժերը կչափի Ռումինիայի թիմի հետ: Մեր ընտրանին այսօր հանդես կգա այսպիսի կազմով. Իրինա Բուլմագա – Էլինա Դանիելյան Լիլիթ Մկրտչյան – Կորինա-Իզաբելա Պեպտան Ելենա-Լումինիցա Կոսմա – Լիլիթ Գալոյան Մարիա Գեւորգյան – Միհաելա Սանդու Հանդիպումները կմեկնարկեն Երեւանի ժամանակով 17:00-ին: