ՍՊԱՌՈՂՆԵՐԻ ԴԱՏԸ
Աջակցիր «Ա1+»-ինՕգոստոսի 21-ին ժամը 11:00 Երեւանի Կենտրոն, Նորք-Մարաշ համայնքների առաջին ատյանի դատարանում վերսկսվելու է Ա1+ եւ Նոյյան Տապան հեռուստաընկերությունների սպառողների հայցով դատավարությունը:
Մինչ այսօր այդպես էլ չի հրապարակվել դատարանի որոշումը՝ դատավոր Ռուբեն Ներսիսյանի հանդեպ ներկայացված բացարկի վերաբերյալ:
Հիշեցնենք, որ Հայաստանի դատական համակարգի պրակտիկայում արձանագրվել է առաջին դեպքը, երբ հիմնական հայցվորներին՝ օրենքով սահմանված կարգով միացել է նաեւ հայցի բոլոր դրույթներին կողմնակից երրորդ կողմը:
Սպառողների դատավարության դեպքում բացի հայցվոր եւ պատասխանող կողմերից որպես երրորդ կողմ հանդես են գալիս 712 սպառող: Այս պահի դրությամբ Այս դատական նիստերի շարքում Հայաստանի դատական համակարգում գրանցվել են՝ ՀՀ օրենքներով չսահմանված նորամուծություններ: Դատարանի աշխատակիցների ժամանակը, թղթերի անհրաժեշտ քանակը եւ գրիչների թանաքը տնտեսելու նպատակով, հավանաբար, նախորդ նիստից առաջ դատավարության 712 հայցվորը նիստի մասին տեղեկացվել է ՀՀ պաշտոնաթերթում տպագրված կարճ հայտարարությամբ: Հայցվորներն այդ հայտարարությունը միանգամից որակեցին որպես «գովազդ-ծանուցում» եւ ճշտեցին, որ ՀՀ որեւէ օրենքը չի թույլատրում հայցվորին դատարան հրավիրել նման կարգով:
