Բարսելոնում տուժածների թիվն անցել է 700-ը. թարմացված (տեսանյութ)
Կատալոնացիների 90 տոկոսը կողմ է քվեարկել անկախացմանը։
22.50. Կատալոնիայի իշխանությունները հայտնում են, որ ոստիկանների հետ բախման հետևանքով տուժածների թիվը մոտ 761 է: Ոստիկանությունը ցուցարարներին ցրելու համար կիրառել է ռետինե փամփուշտներ:
Ցուցարարները դիրքերը չեն զիջում:
Հիշեցնենք՝ Կատալոնիայի ընտրազանգվածը շուրջ 5 միլիոն 300 հազար է, սակայն ոչ բոլորն են կողմ անկախությանը:
Gazeta.ru-ի փոխանցմամբ ժամը 20.00-ին Կատալոնիայում փակվել են բոլոր ընտրատեղամասերը: Հանրաքվեն ամեն դեպքում տեղի է ունեցել:
.....................
Բարսելոնի քաղաքապետ Ադա Կոլաուն հայտնել է, որ Իսպանիայի ոստիկանական ուժերի հետ բախման արդյունքում տուժել է առնվազն 460 մարդ, որոնց ոստիկանությունը փորձել է արգելել մասնակցել Կատալոնիայի անկախության հանրաքվեին:
Այդ մասին տեղեկանում ենք BBC-ից:
Բարսելոնի քաղաքապետը ոստիկաններից պահանջել է անմիջապես դադարեցնել ուժի կիրառումը՝ անպաշտպան ցուցարարների նկատմամբ:
Պաշտոնական Մադրիդն առայժմ չի հաստատում տեղեկությունը, թե հարյուրավոր տուժածներ կան:
Իսպանիայի ՆԳՆ տվյալներով վիրավորվել է 11 ոստիկան:
Մանրամասներն՝ այստեղ
