A
A
Երբ նկարչուհին բացում է ներքինը (տեսանյութ)
27-ամյա նկարչուհի Մարիամ Գալստյանն այսօր հանրությանը ներկայացրեց իր ներքին բնությունը։ Հենց այս խորագիրն էր կրում ցուցահանդեսը, որը բացվեց այսօր «Եվրոպական ժառանգության օրեր» ծրագրի շրջանակներում Գևորգ Գրիգորյանի (Ջոտտո) արվեստանոց–թանգարանում:
Ներկայացված էին Մարիամ Գալստյանի ինքնադիմանկարները, նատյուրմորտները և գրաֆիկական կոմպոզիցիաները։
«Այստեղ ներկայացված աշխատանքները իմ ներքին բնության արտահայտումն են բոլոր դրսեւորումներով»,- ասում է նկարչուհին։
Ավագ սերնդի արվեստագետները այսօր շռայլ էին գնահատականների մեջ՝ համարելով, որ Մարիամը զգում է գույնը եւ հեշտությամբ հանձնում կտավին։
Սա Մարիամի երրորդ անհատական ցուցահանդեսն է։ Առաջին անհատական ցուցահանդեսը տեղի ունեցել 1999թ., երբ նկարչուհին 9 տարեկան էր՝ Մարտունու պատկերասրահում, իսկ երկրորդը 2014թ-ին՝ Գեղագիտության ազգային կենտրոնում։
Մանրամասները՝ տեսանյութում