A
A
Եղիշե Մելիքյանը հրաժարական է տվել
Ուկրաինաի ֆուտբոլի բարձրագույն խմբում հանդես եկող Կամենսկոեի «Ստալի» գլխավոր մարզիչ Եղիշե Մելիքյանը հրաժարական է տվել: Այդ մասին տեղեկացնում է ուկրաինական «ՈՒԱ-Ֆուտբոլ» կայքը: Ինչպես հայտնում է լրատվամիջոցը, այսօր Ուկրաինայի առաջնությունում կայացած «Ստալ» - «Օլիմպիկ» խաղից հետո, որն ավարտվել է ոչ-ոքի՝ 1:1, հայազգի մասնագետը «Ֆուտբոլ 1» հեռուստաալիքով հայտնել է, որ թիմը արդյունք ցույց չի տալիս եւ ինքը ստիպված է հրաժարական տալ: Նշենք, որ «Ստալը» 10 տուրից հետո վաստակել է ընդամենը 7 միավոր եւ այժմ զբաղեցնում է 10-րդ տեղը:
