«Ուրուգվայի հայկական գաղութն անորոշության մեջ է» (տեսանյութ)
Ուրուգվայի «Ռադիո Արաքս»-ի տնօրեն լրագրող Դիեգո Կարամանուկյանն այս օրերին Հայաստանում է: Լրագրողը մտահոգված է Հայաստան-Ուրուգվայ հարաբերություններով. «Ադրբեջանը Ուրուգվայում դեսպան ունի, իսկ Հայաստանը՝ ոչ: Հեռավորությունը բավական մեծ է տնտեսական կապեր հաստատելու համար, բայց փոխարենը կարելի է զարգացնել մշակութային կապերը, տուրիզմը»: Ուրուգվայում 15 հազար հայ կա, երկու հայկական դպրոց, բայց մշակութային կյանքն ակտիվ չէ: Հայկական գաղութն անորոշության մեջ է, հայկական կազմակերպությունները փակվում են, կազմակերպվող միջոցառումները՝ քչանում: Չնայած դրան, Դիեգո Կարամանուկյանի խոսքով՝ Ուրուգվայում կա հայկական երաժշտական ինքնություն. «Ուրուգվայում կան մարդիկ, որոնք հայկական բառ չգիտեն, բայց հայ երգը լսում են: Ժամանակին «Ռադիո Արաքս»-ը հեռարձակվում էր ամեն օր, հիմա միայն շաբաթ եւ կիրակի, որովհետեւ ուժ չունի տեղի հայությունը, մարդ չկա, գովազդ չկա»: Ավելին՝ տեսանյութով
