Միջազգային վարպետ Արամ Հակոբյանը բաժանում է 1-2-րդ տեղերը

Ռումինիայում ընթացող շախմատի Եվրոպայի պատանեկան առաջնությունն արդեն հատել է հասարակածը:

Կայացած 5 տուրից հետո Հայաստանի պատվիրակներից առավել հաջող է հանդես գալիս միջազգային վարպետ Արամ Հակոբյանը, որը մինչեւ 16 տարեկան շախմատիստների մրցաշարում 4,5 միավոր ունի եւ ուկրաինացի Վիկտոր Մատվիշենի հետ բաժանում է 1-2րդ տեղերը: Այսօր նրանք կմրցեն իրար հետ:

Մեր 13 շախմատիստները հինգ հնարավորից վաստակել են 4-ական միավոր եւ իրենց տարիքային խմբերում տեղ են զբաղեցնում առաջին տասնյակում: Նրանցից Ալբերտո Աթոյանը, Ռոբերտ Փիլիպոսյանը, Մամիկոն Ղարիբյանը Շանթ Սարգսյանը, Մարիամ Մկրտչյանն ու Սոնա Ասատրյանը նույնպես պարտություն չեն կրել առաջնությունում, ինչպես Արամ Հակոբյանը:

Նշենք, որ առաջնությունն անցկացվում է շվեյցարական մրցակարգով, 9 տուրով: