Հայաստանի պատանի թենիսիստները կմասնակցեն Եվրոպայի առաջնությանը
Օգոստոսի 24-ից 28-ը Ֆրանսիայի Ստրասբուրգ քաղաքում կանցկացվի մինչեւ 12 տարեկանների Եվրոպայի առաջնությունը: Հայաստանը կներկայացնեն Նարեկ Ստեփանյանն ու Ռուբեն Գալոյանը: ՀԱՕԿ լրատվականի հետ զրույցում Հայաստանի սեղանի թենիսի ֆեդերացիայի նախագահ Ֆելիքս Սարգսյանն ասել է. «Հիմա մենք շեշտը դնում ենք հիմնականում երիտասարդների վրա: Հուլիսին Պորտուգալիայում կայացած Եվրոպայի առաջնությունում հանդես եկավ ընդհանուր առմամբ վեց թենիսիստ՝ մինչեւ 15 տարեկան մեր պատանիներն ու մինչեւ 18 տարեկան աղջիկները: Մայրցամաքի առաջնությունն անցկացվում էր ինչպես անհատական, այնպես էլ թիմային հաշվարկով: Հաշվի առնելով մեր համեստ ֆինանսական հնարավորությունները՝ նորմալ արդյունքներ ցույց տվեցինք»: Հայաստանի պատանի թենիսիստները Ստրասբուրգում հանդես կգան մարզիչ Արշակ Հարությունյանի ղեկավարությամբ: