Բացել լրահոսը Փակել լրահոսը
A A

Հափշտակել է կանխիկ գումար. փնտրվում է կիսաճաղատ տղամարդը (տեսանյութ)

Պաշտոնական
goxutyun

ՀՀ քննչական կոմիտեի Արարատի մարզային քննչական վարչության Մասիսի քննչական բաժնում քննություն է տարվում՝ պարզելու առևտրի սրահից գողություն կատարած անձի ինքնությունը: 2017թ. հունիսի 26-ին հաղորդում է ստացվել առ այն, որ նույն օրը՝ ժամը 04:00-ի սահմաններում, առերևույթ հանցագործություն կատարած անձն ապօրինի մուտք է գործել Արարատի մարզի բնակչի տան բակում գործող առևտրի սրահ և հափշտակել կանխիկ գումար: Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 2-րդ մասի 3-րդ կետի հատկանիշներով, որով նախաքննությունն իրականացվում է ՀՀ ՔԿ Արարատի մարզային քննչական վարչության Մասիսի քննչական բաժնում: Նախաքննության ընթացքում ստացվել է առևտրի սրահում առկա տեսանկարահանող սարքերի՝ տվյալ օրվա տեսագրությունը, ենթարկվել զննության: Տեսանյութում երևում է, թե ինչպես է միջին տարիքի, կիսաճաղատ մի տղամարդ մոտենում սրահում գտնվող պահարանին, բացում դարակը, վերցնում ինչ-որ բան և հեռանում: Դեպքի բոլոր հանգամանքները բազմակողմանի, օբյեկտիվ հետազոտելու նպատակով միջոցներ են ձեռնարկվում՝ տեսանյութում պատկերված անձին հայտնաբերելու ուղղությամբ։ Ովքեր ճանաչում են տեսանյութում պատկերված տղամարդուն կամ որևէ տեղեկություն ունեն նրա ինքնության կամ գտնվելու վայրի  մասին, խնդրում ենք հայտնել ՀՀ քննչական կոմիտեի Արարատի մարզային քննչական վարչության Մասիսի քննչական բաժին կամ ոստիկանության մոտակա բաժին:   Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: ՀՀ քննչական կոմիտե