A
A
Սնանկացած «Գլենդել Հիլզ»-ը կնվիրի իր ջրամատակարարման համակարգերը
Օգոստոսի 17-ի նիստում ղեկավարվելով Հայաստանի Հանրապետության քաղաքացիական օրենսգրքի 163-րդ և 594-րդ, «Պետական կառավարչական հիմնարկների մասին» Հայաստանի Հանրապետության օրենքի 4-րդ և 11-րդ հոդվածների պահանջներով, պետական սեփականություն հանդիսացող գույքի հանձնման և դրանց հետագա տնօրինման և հաշվառման նպատակով Հայաստանի Հանրապետության կառավարությունը որոշում է.
- «Հայաստանի Հանրապետության կառավարությանն առընթեր պետական եկամուտների կոմիտեի աշխատակազմ» պետական կառավարչական հիմնարկին ամրացված Հայաստանի Հանրապետության կառավարությանն առընթեր պետական եկամուտների կոմիտեի մասնագիտացված շնագիտական կենտրոնի (ք.Երևան, Էրեբունի վարչական շրջան, Հյուսիսային փող.N6) 100 մմ տրամագծով 400 գծմ երկարությամբ, ջրագիծը (համալրված է 80 մմ տրամագծի ջրաչափով, 80 մմ տրամագծի զտիչով և 100 մմ տրամագծի սողնակով) 2 749 527.7 դրամ հաշվեկշռային և 2 335 577.95 ՀՀ դրամ մնացորդային արժեքներով հետ վերցնել և ամրացնել «Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին:
- Որպես նվիրատվություն Հայաստանի Հանրապետությանը՝ ընդունել Հայաստանի Հանրապետության Արարատի մարզի Ազատաշեն համայնքի սեփականությունը հանդիսացող՝ 3 227,22 գծ.մ երկարությամբ, անկախ գնահատողի կողմից գնահատված 22,287,000 ՀՀ դրամ շուկայական արժեքով ներքին ջրամատակարարման համակարգը և ամրացնել Հայաստանի Հանրապետության կառավարությանը ի դեմս «Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին:
- Հաշվի առնելով «Գլենդել Հիլզ» փակ բաժնետիրական ընկերության սնանկության կառավարչի առաջարկությունը, որպես նվիրատվություն Հայաստանի Հանրապետությանը՝ ընդունել Երևան քաղաքի «Երևանյան Բերդ» թաղամասի (գինու գործարանին հարող տարածք) Արգիշտի փողոցի թիվ 11/8, 11/3, 11/4, 7/6, 7/4, 17 և 15 նորակառույց բազմաբնակարան բնակելի շենքերի սպասարկման համար կառուցված ջրամատակարարման և ջրահեռացման համակարգերը և ամրացնել Հայաստանի Հանրապետության կառավարությանը ի դեմս «Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին, առաջարկելով «Գլենդել Հիլզ» փակ բաժնետիրական ընկերության սնանկության կառավարչին՝ մեկամսյա ժամկետում իրականացնել սույն կետում նշված ջրամատակարարման և ջրահեռացման համակարգերի անկախ գնահատողի կողմից շուկայական արժեքի որոշման գործընթացը, այն Հայաստանի Հանրապետության կառավարությանը ի դեմս «Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին ամրացնելու նպատակով:
- Առաջարկել «Գլենդել Հիլզ» փակ բաժնետիրական ընկերության սնանկության կառավարչին՝ ապահովել նվիրատվության պայմանագրի նոտարական վավերացման հետ կապված ծախսերի կատարումը:
- Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի նախագահին՝ սույն որոշումն ուժի մեջ մտնելուց հետո երկամսյա ժամկետում, Հայաստանի Հանրապետության կառավարությանն առընթեր պետական եկամուտների կոմիտեի նախագահի և Հայաստանի Հանրապետության Արարատի մարզի Ազատաշեն համայնքի ղեկավարի հետ համատեղ, օրենսդրությամբ սահմանված կարգով կազմակերպել որոշման 1-ին, 2-րդ և 4-րդ կետերում նշված գույքի հանձնման-ընդունման աշխատանքների իրականացումը:
- Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի նախագահին՝ առաջարկել «Վեոլիա Ջուր» փակ բաժնետիրական ընկերությանը 2016 թվականի նոյեմբերի 21-ին՝ Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի ու «Վեոլիա Ջուր» փակ բաժնետիրական ընկերության միջև կնքված «Երևան Ջուր», «Հայջրմուղկոյուղի», «Լոռի-ջրմուղկոյուղի», «Շիրակ-ջրմուղկոյուղի» և «Նոր Ակունք» փակ բաժնետիրական ընկերությունների կողմից օգտագործվող ու պահպանվող ջրային համակարգերի և այլ գույքի վարձակալության պայմանագրի շրջանակներում սույն որոշման 1-ին, 2-րդ և 4-րդ կետում նշված գույքն ընդունել վարձակալության՝ սույն որոշման 1-ին, 2-րդ և 4-րդ կետերում նշված գույքի նկատմամբ իրավունքների պետական գրանցման ծախսերը կատարելով:
