Հենրիխ Մխիթարյանը սկսել է նոր մրցաշրջանի նախապատրաստությունը
Ֆուտբոլի Եվրոպայի լիգայի հաղթող անգլիական «Մանչեսթեր Յունայթեդը», որի կազմում հանդես է գալիս Հայաստանի հավաքականի ավագ Հենրիխ Մխիթարյանը, սկսել է նոր մրցաշրջանի նախապատրաստությունը:
«Մանչեսթեր Յունայթեդն» անդրանիկ մարզումն անցկացրել է Լոս Անջելեսի Կալիֆորնիական համալսարանի «Դրեյք» մարզադաշտում: Ինչպես նշում է Daily Star թերթը, շոգ եղանակի պատճառով գլխավոր մարզիչ Ժոզե Մոուրինյոն պարապմունքի ժամանակ հաճախակի ընդմիջումներ է հայտարարել:
Նշենք, որ «Մանչեսթեր Յունայթեդն» ներկայումս պատրաստվում է ամերիկյան մրցաշրջագայությանը, որի ժամանակ ընկերական խաղեր պետք է անցկացնի: Ահա այդ խաղերի ցանկը.
15 հուլիս՝ «Մանչեսթեր Յունայթեդ» - «Լոս Անջելես Գելաքսի»
17 հուլիս՝ «Մանչեսթեր Յունայթեդ» - «Ռեալ Սոլտ Լեյք»
20 հուլիս՝ «Մանչեսթեր Յունայթեդ» - «Մանչեսթեր Սիթի»
23 հուլիս՝ «Մանչեսթեր Յունայթեդ» - «Ռեալ» Մադրիդ
26 հուլիս՝ «Մանչեսթեր Յունայթեդ» - «Բարսելոնա»
