A
A
Քարտեզում նշված են Ադրբեջանի զինուժի թիրախում հայտնված քաղաքացիական բնակավայրերը (տեսանյութ)
Տավուշի մարզի սահմանամերձ գյուղերում կատարված փաստահավաք աշխատանքների արդյունքները Google Earth ծրագրով տեղայնացվել են քարտեզի վրա ՀՀ մարդու իրավունքների պաշտպան Արման Թաթոյանի և Պաշտպանի աշխատակազմի կողմից Տավուշի մարզի Բաղանիս, Ոսկևան, Ոսկեպար, Կոթի սահմանամերձ գյուղերում կատարված փաստահավաք աշխատանքների արդյունքները տեղայնացվել են ընդհանուր հասանելիություն ունեցող քարտեզի վրա: Google Earth ծրագրի միջոցով իրականացվել են համապատասխան նշագրումներ, որոնք ցույց են տալիս Ադրբեջանի զինուժի թիրախում հայտնված քաղաքացիական բնակավայրերը, ապրիլ-հունիս ամիսներին գնդակոծված տները, շենք-շինությունները: Փաստահավաք աշխատանքների արդյունքները ներկայացվել են հայերեն և անգլերեն: ՀՀ մարդու իրավունքների պաշտպանի աշխատակազմ
