Պատասխանելով իր վերջին հայտարարություններին տված իշխանության արձագանքին՝ կապված երկրի ներքին քաղաքական գործերի հետ, Պյոտր Սվիտալսկին ասաց. «Ես չեմ հաղորդել և չեմ հաղորդի ուղերձներ իշխանություններին հանրային քննարկման միջոցով։ Մենք լավ հաղորդակցման միջոցներ ունենք և լավ հարաբերություններ։ Ինձ համար հանրային հայտարարությունների կարիք չկա, որպեսզի ես իմ ուղերձները տեղ հասցնեմ։ Ոչ մի կարծիք, որ ես հայտնել եմ հանրային ճանապարհով, գաղտնիք չէ։ Ինչ վերաբերում է ընտրություններին, կարող եմ հաստատել, որ Եվրամիությունը տրամադրել Է 7 միլիոն եվրո։ Առանց սրա, ջանքը՝ այդ նոր տեխնոլոգիաների իրականացման, արդյունք չէր տա։ Մեր աջակցությունը շատ ավելին է, քան ֆինանսավորումը։ Մեր ֆինանսավորումը ամենաքիչ նպաստն էր, որ բերեցինք ընտրություններին։ Բայց ես կարող եմ շեշտել, որ դա արեցինք ՀՀ իշխանությունների բաց խնդրանքի հիման վրա։ Եվ եթե այլևս չեն ուզում, չենք անի։ Բայց մենք պատրաստ ենք շարունակել մեր աջակցությունը»։

Ապա Պյոտր Սվիտալսկին հավելեց. «Ես հասկանում եմ, որ իշխանության որոշ գործիչներ կարող են դժգոհել, որ թեմաներ կան, որոնք Հայաստանի ներքին գործն են։ Լավ էլի։ Մենք միասին պարտավորություններ ենք ստանձնել։ Ես մի երկրից եմ, որ շատ զգայուն է ինքնիշխանության հարցի հանդեպ, բայց կան կոնվենցիաներ, աշխատանքային պայմանագրեր, որոնք թույլ են տալիս մեզ կարծիք հայտնել այս կամ այն երկրում տեղի ունեցող իրադարձության մասին։ Ինքնիշխանության սպառնալիքները Հայաստանում այլ տեղ են թաքնված, ոչ թե մեր միջամտության մեջ»։