Բացել լրահոսը Փակել լրահոսը
A A

Թալիշում կառուցվող բոլոր շինություններն ապաստարան կունենան

Հասարակություն
talish

Արցախպրես Արցախի Հանրապետության Թալիշ համայնքում շինարարական աշխատանքներն ընթանում են գյուղապետարանի և հանդիսությունների շենքերի շրջանում, իսկ մոտ օրերս կսկսվեն դպրոցի և մակնապարտեզի շինարարության աշխատանքները: Այս մասին Թալիշում ճեպազրույցի ժամանակ ասաց համայնքի ղեկավար Վիլեն Պետրոսյանը: Նա նաև տեղեկացրեց, որ դրան զուգահեռ կընթանան երեք անհատական տների շինարարությունները: «Հին դպրոցը չի վերանորոգվում զուտ այն պատճառով, որ դիրքերից ուղիղ նշանառության տակ է գտնվում: Նոր դպրոցը կկառուցվի գյուղապետարանի և հանդիսությունների շենքի արանքում: Վրանային ավաններում և իրենց տներում արդեն իսկ մի շարք տղամարդիկ են ապրում: Նրանք հետևում են գյուղի աշխատանքներին, ծառայություն են մատուցում: Իսկ ընտանքիները ժամանակավոր ապաստանում են համայնքի տարածքից դուրս,  հիմնականում՝ Ալաշանում»,- ասաց Պետրոսյանը՝ հավելելով, որ ապրիլյան իրադարձություններից հետո վնասները հաշվարկվել են և  Կառավարության կողմից դրանց փոխհատուցման առաջին փուլն արդեն կատարվել է: Գյուղապետի խոսքով՝ բնակչության ունեցած մեքենաները, որոնք վնասվել էին թշնամու կողմից, արդեն փոխհատուցվել են, իսկ երկրորդ փուլով կփոխհատուցվի անասնագլխաքանակը: «Թալիշի  բնակաչության համար կրակոցները շատ սովորական են դարձել: Այժմ մենք նոր մոտեցումներով ենք փորձում դիմադրել այդ կրակոցներին և ապահովել անվտանգությունը: Նոր կառուցվող բոլոր շինությունները կունենան իրենց ապաստարանները: Այս տարի Թալիշում բերքը շատ է և համոզված եմ մեր բնակիչներն անպայման թափ են տալու Թալիշի թութը և ծառերի բերքը»,- ասաց Պետրոսյանը՝ վտահեցնելով, որ Հայաստանում ապրող՝ Թալիշի բնակիչների մոտ ցանկություն կա վերադառնալու: Ապրիլյան քառօրյա պատերազմի տարիներին Թալիշ գյուղն ակրկակոծել էր երեք կողմերից՝ բացառությամբ թիկունքից: