Ժիրայր Սեֆիլյանը իրավական գործընթացի չի մասնակցելու (տեսանյութ)
Ժիրայր Սեֆիլյանի եւ մյուսների գործով այսօրվա դատական նիստում ձայն չապահովվեց, սակայն կարճ ժամանակ անց նիստը հետաձգվեց՝ ամբաստանյալներից մեկի համար նոր պաշտպան ներգրավելու համար: «Երկիր Ծիրանի» կուսակցության նախագահ Զարուհի Փոստանջյանի խոսքերով՝ այս գործով խախտվել է հրապարակայնությունը. «Հասկանալի է, որ սա ուղղակի բեմադրություն է: Այդ բեմադրության ռեժիսորը Բաղրամյան 26-ում է: Նրան հարկավոր էր այսպիսի բեմադրություն կազմակերպել եւ նա կազմակերպել էր»: Ժիրայր Սեֆիլյանը եւս այս գործը քաղաքական պատվեր է համարում եւ նախապես գրված սցենար: «Իրավական որեւէ գործընթացի չի մասնակցելու»,- ասաց նրա պաշտպան Տիգրան Հայրապետյանը: Զանգվածային անկարգությունների կազմակերպման հոդվածով, ըստ Գեւորգ Սաֆարյանի եւ Ժիրայր Սեֆիլյանի պաշտպանի, ապացույցներ ընդհանրապես չկան. «Ապացույցները միայն մի քանի փայտե մահակներ, պարզ չէ, որտեղից են գտել, 100-ամյակն առանց ռեժիմի թերթիկներ, այլ բան չկա»: Այսպիսի մեղադրանքով անձանց կալանքի տակ պահելը, ըստ Տիգրան Հայրապետյանի, հիմնավոր չէ. «Մեղադրանքը հետեւյալն է, որ եթե Ժիրայր Սեֆիլյանը հեռուստաաշտարակը գրավեր, իշխանափոխությունը տեղի էր ունենալու: Եթե այդպես է, Ժիրայր Սեֆիլյանին պետք էր միայն ուղիղ եթեր իշխանափոխություն անելու համար: Սա նշանակում է, որ զուտ քաղաքական մեղադրանք է» : Գործով անցնող Գեւորգ Սաֆարյանն արդեն 1 տարի 6 ամիս է կալանքի տակ է: Տոնածառ տեղադրելու փորձից հետո անազատության մեջ հայտնվելուց հետո նա չի կարողանում նորմալ քայլել: «ՔԿՀ վարչակազմի ղեկավարը սխալ տեղեկություններ է հրապարակում, իբրեւ թե բուժում է ստանում, եւ իբրեւ թե մազ է քսվում իր ոտքին: Դա հարազատներն են բերել, որ ցավը մի փոքր թուլանա, բայց ախտորոշումը չգիտենք»,- ավելացրեց պաշտպան Տիգրան Հայրապետյանը: Դատական նիստը կշարունակվի հունիսի 13-ին:
