Նաիրիտցիները պարզաբանում են պահանջում. ով է մասնակցել մրցույթին (տեսանյութ)
«Նաիրիտ» գործարանի նախկին աշխատակիցներն այսօր կրկին Կառավարության շենքի առջեւ էին: Նրանք պահանջում են գործարանի գործարկում եւ տույժ տուգանքների վճարում: Նաիրիտ գործարանի նախկին աշխատակից Անահիտ Մանուկյանն ահազանգում է՝ Հայաստանում արդյունաբերությունը լրիվ ոչնչացված է: Միայն մարդկանց համառ պայքարի շնորհիվ հնարավոր է երկրում արդյունաբերությունը զարգացնել: Նախորդ շաբաթ նաիրիտցիները դիմել են վարչապետի ֆինանսական հարցերով խորհրդական Էդվարդ Ներսիսյանին՝ պարզելու համար, թե ինչ է արդյունքներ են հայտնի «Նաիրիտ»-ի գործարկման հետ կապված: «Մեր տեղեկություններով երկու ընկերություն մասնակցել են մրցույթին: Մինչեւ այսօր արդյունքները չեն բացվել»,- ավելացրեց Անահիտ Մանուկյանը: «Նաիրիտ գործարան» ՓԲԸ-ի գույքն արդեն աճուրդի է հանվել: Հերթական աճուրդը կայանալու է հունիսի 9-ին : Աճուրդի են հանվելու սարքավորումներ, հաստոցներ, պահեստամասեր , քիմիական նյութեր եւ այլն: