A
A
Սամվել Բաբայանը չի ցանկացել ներկա գտնվել նիստին
Լեռնային Ղարաբաղի պաշտպանության նախկին նախարար Սամվել Բաբայանի կալանքի ժամկետը երկարացվել է եւս երկու ամսով: Վրաստանից Հայաստան «Իգլա» զենիթահրթիռային համալիր տեղափոխելու մեջ մեղադրվող Սամվել Բաբայանը, սակայն, չի ցանկացել ներկա գտնվել դատական նիստին. «Նա կանխատեսում էր, թե ինչ որոշում է կայացվելու»,- «Ա1+»-ին ասաց նրա պաշտպան Ավետիս Քալաշյանը: Նախաքննական մարմինը կալանավորման միջնորդություն ներկայացնելիս որպես հիմք նշել է այն, որ կխուսափի, կխոչընդոտի եւ կթաքնվի նախաքննությունից: Անկախ ամեն ինչից՝ պաշտպանը պատրաստվում է բողոքարկել կալանավորման որոշումը: «Երեւան-Կենտրոն» ՔԿՀ-ում գտնվող Սամվել Բաբայանը առողջական վիճակից չի դժգոհում, տրամադրությունն էլ, ըստ Ավետիս Քալաշյանի, նորմալ է: