«Թող չոբան լինի՝ մեր գյուղից լինի». բագարանցիների բողոքը (տեսանյութ)
Արմավիրի մարզի Բագարան համայնքի միջնակարգ դպրոցը մեկ շաբաթից ավել է՝ գրեթե դատարկ է: Ծնողները չեն թողնում երեխաներին դպրոց գնալ: Դասադուլը նորանշանակ տնօրենի դեմ է, որը հարեւան Երվանդաշատի համայնքապետի կինն է։ Փոխվարչապետ Վաչե Գաբրիելյանն է որոշում կայացրել՝ հարեւան գյուղից առաջադրված թեկնածուին նշանակել տնօրենի պաշտոնում՝ համեմատելով երկու թեկնածուների թղթապանակները. բացատրում են Տարածքային կառավարման եւ զարգացման նախարարությունում։ Բագարանցիները վստահ են՝ քաղաքական որոշում է կայացվել, պարզաբանումը նրանց չի գոհացնում ։ Բագարանի բնակիչներին ամենից շատ անհանգստացնում է այն, որ իրենց գյուղապետը այս խնդրի լուծման համար ոչինչ չի անում, ասում են՝ չեզոք դիրքում է, որ գործընկերոջը չնեղացնի։ Փորձեցինք անձամբ գյուղապետից ճշտել եղելությունը, բայց նա արձակուրդում էր: Ավելին՝ տեսանյութով
