25 հազար դոլար՝ մատ ցույց տալու համար (տեսանյութ)

Բասկետբոլի ազգային միության «Բոստոն Սելթիկս» թիմի խաղարկող Մարկուս Սմարթը դարձավ առաջին բասկետբոլիստը, որը լիգայի նոր կանոնակարգի հիման վրա խոշոր տուգանք պետք է վճարի:

Փլեյ-օֆֆի «Չիկագո Բուլզի» հետ երկրորդ խաղում 23-ամյա բասկետբոլիստը մրցակցին միջնամատն է ցույց տվել, երբ վերջինիս նետումը նպատակին չի հասել: Ըստ լիգայի նոր կանոնակարգի, նման արարքի համար բասկետբոլիստները տուգանվելու են 25 հազար դոլարով:

«Տեսագրությունը դիտել ենք, բայց դեռ չենք քննարկել, արդյոք նա վիրավորելու նպատակով է այդ արարքը թույլ տվել: Եթե դա է իրական պատճառը, ապա Մարկուսը պետք է պատժվի», – ասել է  «Բոստոն Սելթիկսի» գլխավոր մարզիչ Բրադ Ստիվենսը: