«Նախագահի աթոռը տակից քաշեցինք». ՀՅԴ պատգամավորի թեկնածու (տեսանյութ)
«Ելք» դաշինքը իշխող հանրապետական կուսակցության հետ կոալիցիա չի կազմի: Այսօր լրագրողների հետ հանդիպման ժամանակ նշեց դաշինքի պատգամավորության թեկնածու Ալեն Սիմոնյանը: Փոխարենը ՀՀԿ-ի հետ կրկին կհամագործակցի ՀՅԴ-ն: Պատգամավորի թեկնածու Արմինե Ռուստամյանն ավելացրեց, որ իր համար ցավալի է, երբ չեն հասկանում, որ այսօր մենքի հարց է, ոչ թե ես եւ դու: «Դուք Սերժ Սարգսյանի հետ կարող եք լինել, ես չեմ կարող, ես Միհրանի հետ չեմ կարող լինել, մյուսի հետ չեմ կարող»,- բարկացած նշեց Ալեն Սիմոնյանը: Նա անդրադարձավ նաեւ ՀՀԿ-ի օգտին աշխատող տնօրեններին՝ նշելով, որ հանրապետական կուսակցությունը մանկավարժների գործի շրջանակներում հայտնվել է ծիծաղելի դրության մեջ: Իսկ ինչ վերաբերում է դատախազության պարզաբանմանը, թե միայն մեկ ձայնագրությունն է պարունակում քրեական տարրեր, ապա ըստ Ալեն Սիմոնյանի, դատախազությունը սպասում է. «Ցավոք սրտի սպասելու է քաղաքական որոշման»: Դաշինքը դիմելու է ԿԸՀ՝ ՀՀԿ գրանցումը անվավեր ճանաչելու համար: ՀՅԴ պատգամավորի թեկնածուն նշեց, որ փոքր խմբակցությունով կարողացել են բազմաթիվ օրենքներ անցկացնել: Սահմանադրությունն է փոխվել: «Նախագահի աթոռը տակից քաշեցինք»: «Դուք նախագահի հենարաններից մեկն եք, հիմա ո՞նց եք ասում, որ նախագահի աթոռը տակից քաշեցինք: Նախագահի կյանքը քաղաքական դաշտում դուք երկարաձգեցիք»,- նշեց Ալեն Սիմոնյանը: Ի դեպ, «Ելք»-ը իր սեփական հարցումն է անցկացրել, ըստ որի, խորհրդարանում են հայտնվելու «Ծառուկյան» դաշինքը, ՀՀԿ-ն եւ «Ելք» դաշինքը:
