Բացել լրահոսը Փակել լրահոսը
A A

Հայ սամբիստները նվաճել են 5 մեդալ, 2-ը՝ ոսկե

Սպորտ
sambo

Ռուսաստանի Դաշնության մայրաքաղաք Մոսկվայում մարտի 23-ից 26-ն անցկացված սամբոյի աշխարհի գավաթի Ա. Խառլամպիևի հուշամրցաշարում հայ սամբիստներ, 57 կգ քաշային Տիգրան Կիրակոսյանը (անձնական մարզիչ՝ Աղասի Գալստյան) և 62 կգ քաշային Սամվել Բադալյանը (անձնական մարզիչ՝ Սլավիկ Հարությունյան), գերազանց անցկացնելով բոլոր գոտեմարտերը՝ նվաճել են ոսկե մեդալ: Հայաստանի Հանրապետությունը ներկայացնող 74 կգ քաշային Մավրիկ Նասիբյանը  (անձնական մարզիչ՝ Ազատ Անդրյան) զբաղեցրել է երկրորդ տեղը: Մեր մյուս մարզիկները՝ 52 կգ քաշային Ջոն Բալյանը (անձնական մարզիչ՝ Էռնեստ Միրզոյան) և 82 կգ քաշային Դավիթ Գրիգորյանը (անձնական մարզիչ՝ Մարտին Միրզոյան), դարձել են հուշամրցաշարի բրոնզե մեդալակիրներ: Նշենք, որ այս մրցաշարին Հայաստանի Հանրապետությունը ներկայացել է 6 սամբիստներով: Մեր հավաքականը թիմային հաշվարկով գրավել է երրորդ տեղը:   ՀՀ սպորտի և երիտասարդության հարցերի նախարարություն