ՎԼԱԴԻՄԻՒ ՀՈՎՀԱՆՆԻՍՅԱՆ.«ԻՆՉՔԱՆ ՇԱՏ ՄԵԶ ԴԱՏԻ ՏԱՆ, ԱՅՆՔԱՆ ԼԱՎ»
Աջակցիր «Ա1+»-ինԱյսօր Սահմանադրական Դատարանը քննեց «Մարդու իրավունքների եւ հիմնարար ազատությունների պաշտպանության եվրոպական կոնվենցիայում» եւ դրան կից 1-ին, 4-րդ, եւ 7-րդ արձանագրություններում ամրագրված պարտավորությունների ՀՀ սահմանադրությանը համապատասխանության հարցը:
Հիշեցնենք, որ Հայաստանի կողմից Կոնվենցիան ստորագրել է արտգործնախարար Վարդան Օսկանյանը 2001 թվականի հունվարի 25-ին Ստրասբուրգում:
Յուրաքանչյուր երկրի ստանձնած պարտավորությունների կատարումն ապահովելու համար ստեղծվել է Մարդու իրավունքների եվրոպական դատարանը: Դատարան կարող են դիմել բոլորը: Եթե երկիրը չի կատարում դատարանի որոշումները, ապա կարող են կիրառվել պատժամիջոցներ:
Արդարադատության նախարարը վստահեցրեց՝ կառավարությունն ամեն ինչ կանի, որ մարդիկ օգտվեն դատարան դիմելու հնարավորությունից:
Սահմանադրական Դատարանի փոխնախագահ Վլադիմիր Հովհաննիսյանը նկատեց. «Սա այն դեպքն է, երբ, ինչքան շատ մեզ դատի տան, այնքան լավ, այնքան կշահի երկիրը, այնքան կամրապնդվի ժողովրդավարությունը»:
ՍԴ որոշեց, որ կոնվենցիան եւ արձանագրությունները համապատասխանում են ՀՀ սահմանադրությանը: