Բացել լրահոսը Փակել լրահոսը
A A

Գյուղատնտեսության անկումը հարվածել է տնտեսությանը․ Ampop.am

Տնտեսություն
tomates

Հայաստանն այն երկրներից է, որտեղ մեկ շնչին բաժին ընկնող ՀՆԱ-ի ցուցանիշը 3 անգամ ցածր է համաշխարհային միջին ցուցանիշից` կազմելով շուրջ 3500 ԱՄՆ դոլար: Հայաստանը նաեւ այն երկիրն է, որտեղ 2016թ. գյուղատնտեսական համախառն արտադրանքը նվազել է: Գյուղատնտեսության ոլորտը Հայաստանում սկսեց անկում գրանցել 2016թ. աշնանը: Գյուղատնտեսության նախարարությունն անկումը բացատրեց եղանակային անբարենպաստ պայմաններով, որի պատճառով գյուղացիները բերքահավաքը կատարել են ոչ թե հոկտեմբերին, այլ հետաձգել են այն մինչև նոյեմբեր: Սակայն ոլորտում առկա տարեկան պատկերի ուսումնասիրությունը հուշում է, որ նշված հիմնավորումն արդարացնում է միայն տվյալ ժամանակահատվածը, բայց ոչ՝ ողջ տարին: 2016թ. գյուղատնտեսության չափաբաժինը Հայաստանի ՀՆԱ-ում կազմում է մոտ 16%, ինչը 1,3%-ով ավելի քիչ էր քան 2015թ.: Գյուղատնտեսական արտադրանքի ծավալը կրճատվել է 5,2%-ով, իսկ բուսաբուծական արտադրանքինը՝ 11,7%-ով: Գյուղատնտեսության զարգացման տեմպերի դանդաղումն էապես ազդել է տնտեսական աճի վրա՝ 2016թ. կազմելով ընդամենը 0,5%` նախատեսված 2,2%-ի փոխարեն: Ampop.am պարբերականը ուսումնասիրել է գյուղատնտեսության ոլորտում առկա խնդիրները եւ ամփոփել դրանք այստեղ։