«Հաց բերողի» հիշատակին նվիրված բողոքի ակցիա (տեսանյութ)
20.09 Ցուցարարները հավաքվում են Ազատության հրապարակում։
Երթը ավարտվեց։
20.00 Ցուցարարները քայլում են Հյուսիսային պողոտայով՝ վանկարկելով, որ Սերժ Սարգսյանն է Սպանել Արթուրին. Երևան ոտքի»։
19.40 Ցույցի մասնակիցները հորդորում են քաղաքացիներին միանալ իրենց։ նրանք պահանջում ներկայիս դատախազի հրաժարականը։ Այս պահին ցուցարարները Հանրապետության հրապարակում են։ Նրանք նաև մեղադրում են Սերժ Սարգյանին Հաց բերողի մահվան մեջ։
18.45 Ցուցարարները քայլում են Աբովյան փողոցով, որտեղ լարված իրավիճակ ստեղծվեց՝ մասնակիցների նստելու պատճառով։ Ոստիկանները բռնի ուժով ստիպեցին նրանց ոտքի կանգնել և շարունակել երթը։ Ցուցարարների և ոստիկանների միջև հրմշտոց սկսվեց։ Ովքեր, որ փորձում էին նստել, ոստիկանները նրանց ոտքերից քաշելով տեղից հանում էին։
Այս պահին Աբովյան փողոցում լարվածությունը թուլացել է, երթի մասնակիցները շարունակում են երթը և ուղղություն են վերցրել դեպի Հանրապետության հրապարակ։
18.30 Ազատության հրապարակում մեկնարկեց «Հաց բերողի» հիշատակին նվիրված բողոքի ակցիան։
«Հայաստանի կառավարությունը ստեղծեց մի իրավիճակ և փաստացի հազարավոր ցուցարարների անտեսեց»,- ասաց Շահեն Հարությունյանը՝ հավելելով.
«Կանչեց պահանջագրի պատասխանը տալու, գնացինք չտվեց։ Հաջորդ օրը ևս չտվեց, այսօր էլ դեռ չի տվել»։
Ակտիվիստը կարծում է, որ Հաց բերողին «Եռաբլուր» պանթեոնում հուղարկավորելու պայքարի համար ցավոք համապատասխան կամք չդրսևորվեց։
Շահեն Հարությունյանը հավաքվածներին տեղեկացրեց, որ Արթուր Սարգսյանի հոգեհանգիստը տեղի կունենա վաղը՝ Սան Լազարո սգո սրահում, իսկ հուղարկավորությունը հաջորդ օրը՝ Շահումյան գերեզմանատանը։
«Վաղը ժամը 3-ին կհավաքվենք Մարզահամերգային համալիրի դիմաց և խաղաղ ու լուռ երթով կգնանք դեպի սգո սրահ»-, հայտարարեց նա։
Քիչ անց մեկնարկեց երթը։ Ցուցարարներին ինչպես միշտ ուղեկցում էր ոստիկանությունը։
