Երկու մեդալ՝ բռնցքամարտի Եվրոպայի առաջնությունից

Ռումինիայի Բրաիլա քաղաքում անցկացվող բռնցքամարտի Եվրոպայի 18-22 տարեկանների առաջնությունում Հայաստանի ներկայացուցիչները նվաճեցին երկու մեդալ:

Ինչպես տեղեկացնում է Հայաստանի բռնցքամարտի ֆեդերացիայի մամուլի ծառայությունը, կիսաեզրափակիչ փուլ մտած մեր երկու մարզիկները՝ 49 կգ քաշային Արթուր Հովհաննիսյանը եւ 91 կգ քաշային Նարեկ Մանասյանը, պարտություն կրեցին եւ ավարտեցին իրենց ելույթները։ Նրանք գրավեցին 3-րդ տեղը եւ դարձան Եվրոպայի բրոնզե մեդալակիր։

Նշենք, որ այս առաջնությունում Հայաստանից հանդես եկան 7 մարզիկ։