Արցախ մեկնած 30 բլոգերների մեջ Իսրայելի ու Բելառուսի քաղաքացիներ կան. Արցախպրես
«Արցախակերտում» հասարակական կազմակերպության և Արցախի ժուռնալիստների միության նախաձեռնությամբ այսօր Ստեփանակերտում կայացել է բլոգերների միջազգային ֆորում, որին մասնակցել է շուրջ 30 բլոգեր՝ աշխարհի 11 երկրից:
«Արցախպրես»-ի թղթակցի հաղորդմամբ՝ Ֆորումի գլխավոր թեմաններն են՝ հակամարտությունների ներկայացումը սոցիալական մեդիայում և բլոգերների ու լրագրողների ազատությունների ապահովումը:
Ֆորումը վարում էր «Արցախակերտում» ՀԿ համանախագահ Արտակ Բեգլարյանը և մեդիափորձագետ Սամվել Մարտիրոսյանը:
«Աշխարհ» ռազմավարական հետազոտությունների կենտրոնի (Ստեփանակերտ) տնօրեն, ռազմական և ազգային անվտանգության խնդիրների փորձագետ Հրաչյա Արզումանյանը ֆորումին ներկայացրել է արցախյան հակամարտության առաջացման պատճառները:
«Հարկավոր է օգնել Ադրբեջանի հանրությանը բուժվելու «Ալիևյան կլան» հիվանդությունից միջազգային դատարանի միջոցով, որտեղ կդատապարտվի նրանց կողմից սերունդների այնպիսի դաստիարակությունը, որի արդյունքում կտրում էին հայ կանանց, երեխաների գլուխները և ականջները»,-մասնավորապես ասել է Հ. Արզումանյանը և հիշեցրել, որ Ադրբեջանի սանձազերծած ռազմական գործողությունների հետևանքով մեկ տարի առաջ զոհվել են ավելի քան 100 երիտասարդ հայ զինվորներ:
Մանրամասները՝ սկզբնաղբյուր կայքում
