Երջանիկներին խորհուրդ է տրվում ընտրել ՀՀԿ-ին (տեսանյութ)
«Ծառուկյան» դաշինքի ներկայացուցիչ Արարատ Զուրաբյանը ընտրողներին խորհուրդ է տալիս իրենց քվեն տալ այն քաղաքական ուժին, որի միակ նպատակը չէ հաղթահարել 5 կամ 7 տոկոսը եւ մտնել ԱԺ: Ինչպես փորձն է ցույց տվել այդ ուժը մեծ փոփոխություններ չի կարող կատարել ԱԺ-ում: «Ինչ վերաբերում է Ծառուկյան դաշինքին, ապա ստանալով մեծամասնություն, գալիս է իշխանության եւ ինքն է ձեւավորում իշխանություն: Բացարձակ մեծամասնության դեպքում միայնակ , հակառակ դեպքում կոալիցիա կազմելով մեկը մյուսի հետ ձեւավորում է մեծամասնություն»,- լրագրողների հետ հանդիպման ժամանակ ասաց Արարատ Զուրաբյանը: Սակայն ՀՀԿ-ի հետ «Ծառուկյան» դաշինքը կոալիցիա չի կազմի: Նրա համար տարօրինակ է այն, որ թեեւ վերջին 19 տարիներին ՀՀԿ-ն իշխանության ղեկին եղել, բայց յուրաքանչյուր ընտրությամբ մենք ականատես ենք լինում նրան, որ այսօր նոր կարծես գալու են իշխանության եւ ինչ-որ բաներ պետք է անեն: Պատգամավորի թեկնածու Արարատ Զուրաբյանը հիշեցրեց, որ այսօր, ՄԱԿ-ի որոշմամբ, երջանկության օրն է: Նա երջանիկներին խորհուրդ տվեց ընտրել ՀՀԿ-ին, իսկ մնացածին տան իրենց: Իսկ իրենք ընտրողներին խոստանում են արդարություն, հույս եւ աշխատանք: Մանրամասները՝ տեսանյութում