Այսօր Փարիզն ավելի բարոյական է, քան Երևանը. Հրանտ Բագրատյանը՝ գիշերային կյանքի մասին (տեսանյութ)
Պետք է կանոնակարգել մարմնավաճառների աշխատանքը. այսօր հրավիրված մամուլի ասուլիսում գիշերային կյանքին անդրադարձավ «Ազատ դեմակրատներ» կուսակցության ցուցակով պատգամավորի թեկնածու առաջադրված Հրանտ Բագրատյանը. «Նրանք պետք է հավաքվեն կոնկրետ տեղեր, պետք է որոշակի հարկ վճարեն, բժշկական ստուգում անցնեն։ Փարիզն այս առումով ավելի բարոյական է, քան Երևանը»։ Հրանտ Բագրատյանն ապրումէ Սայաթ- Նովա փողոցում և գիշերային ակումբների աղմուկը հանգիստ չի տալիս նրանց։ 4-րդ ընտրատարածքում ռեյտինգային ընտրակարգով առաջադրված Հրանտ Բագրատյանը քարոզարշավի օրերին համոզվել է՝ միայն Երեւանի կենտրոնն է մնում չկաշառված օազիսը: «Երկու ուժեր ցուցակագրում են եւ կաշառքներ խոստանում: Մեկը ներկայանում է իշխանություն, մյուսը՝ ընդդիմություն»: Կաշառք տվողները, նրա խոսքերով, ցանկանում են սրբել-տանել բոլոր ձայները: Հրանտ Բագրատյանը հիշեց Արմավիրում քարոզարշավի ժամանակ իրենց դիմած մի պապիկի, երբ նա բացահայտ կերպով կաշառք էր ցանկացել. «Ամոթ չե՞ք անում, առանց փողի գալիս եք՝ ասաց նա»: Սակայն կուսակցությունը պատրաստվում է պայքարել, հստակ որոշել են՝ ինչպես: «Թաղային հեղինակությունների դեմ կռիվ կտանք: Եթե դիմեն զենքի, մենք էլ զենքի կդիմենք», - ասաց Հրանտ Բագրատյանը: Նրա խոսքերով՝ մեր երկիրը հիվանդ է քաղցկեղով, բայց այն փուլում է, որ հնարավոր է բուժել եւ հնարավոր է փրկել: Պատգամավորի թեկնածու Հրանտ Բագրատյանն այսօր նաեւ նշեց, որ իրենք ազատ տնտեսություն, ազատ ընտրություն եւ ազատ մարդ են ցանկանում տեսնել: Ռուսաստանի Դաշնության հետ համագործակցությանն իրենք դեմ չեն, սակայն դա պետք է լինի միայն այն ժամանակ, երբ մեր պետությունը այդ համագործակցությունից ուժեղանա: «Եվրոպայում հաց բերողի դեպքի վրա նախագահ հրաժարական կտար,- հայտարարում է Հրանտը Բագրատյանը,- ամբողջությամբ դատական համակարգը պետք է փոխվի, համակարգեր կան՝ 50 տոկոսով։ Որոշ համակարգեր պետք է ավլել-թափել, որ երկիրը փոխվի։ Պետք է մաքրել բանակի, ոստիկանության, անվտանգության վերնախավը, Լևոն Երանոսյանին հաստատ չեք տեսնի իր գործին»։