«Ռունալդուն՝ Նեապոլի քաղաքապետ»
Իտալական Նեապոլ քաղաքի ղեկավարությունը չեմպիոնների լիգայի 1/8 եզրափակիչ փուլի «Նապոլի» - «Ռեալ» խաղից առաջ համարյա լուծել է բոլոր խնդիրները:
Ինչպես նշում է իսպանական «Մարկա» թերթը, Նեապոլում, որն աշխարհի ամենաաղտոտված քաղաքներից մեկն է, արդեն մի քանի օր է կատարում են ամենօրյա աղբահանություն: Կարգավորվել են նաեւ երթեւեկության հարցերը, ճանապարհային ոստիկաններն ամեն ինչ անում են խցանումներ չառաջանալու համար: Կարգի են բերվել կենտրոնական փողոցները, վերացվել են ճանապարհային բոլոր փոսերը:
Ըստ քաղաքաբնակների՝ Նեապոլը երբեք այդքան մաքուր եւ բարեկարգ չի եղել: Զարմանալի չէ, որ Նեապոլում հրապարակվող Il Mattino թերթը լույս է տեսել զավեշտալի վերնագրով. «Ռոնալդուն՝ Նեապոլի քաղաքապետ»:
Նշենք, որ «Նապոլի» - «Ռեալ» հանդիպումը տեղի կունենա մարտի 7-ին: Թիմերի առաջին հանդիպումն ավարտվել է իսպանական ակումբի վստահ հաղթանակով՝ 3:1:
