Իշխանությունները գնում են կեղծարարության. Մհեր Շահգելդյան (տեսանյութ)
ՀՎԿ փոխնախագահ Մհեր Շահգելդյանն այսօր լրագրողների հետ հանդիպմանը, անդրադառնալով առաջիկա ընտրություններին, նշեց, որ տպավորությունն այնպիսինն է, որ փնտրտուքների մեջ են. «Ինչ վերաբերում է ՀՎԿ-ին, ապա համալրումներ ունենք նոր անդամներով։ Այսօր կան սեւ PR դրսևորումներ կան, որոնք անընդունելի են»: Ինչ վերաբերում է ՀՎԿ ցուցակին, ապա այն կհրապարակեն փետրվարի 11-ի համագումարին. «Մենք միայնակ ենք գնալու ընտրություններին, քանի որ քաղաքական դաշտի կայացման համար կուսակցությունները պետք է առանձին մասնակցեն։ Պատմությունը ցույց է տվել, դաշինքները վաղ թե ուշ փլուզվում են. նրանք ձեւավորում են, երբ կան ընդհանուր տեսլականներ։ Կան կուսակցություններ, որոնք ցանկություն ունեն մեզ միանալ։ Նաեւ ՏԻՄ ընտրություններին մեր հաջողություններն են»: Նա արձագանքեց նաեւ այն տարաձայնություններին, որ ընտրությունների օրը պետք է փոխել, հատկապես, երբ Դավիթ Հարությունյանը պարզաբանում է տվել. «Ընտրությունների օրը պետք է փոխել, եթե կա այդ հնարավորությունը` պայմանավորված ապրիլյան պատերազմով, իսկ իրավական գնահատականներ չեմ կարող տալ, քանի որ դրա մասնագետը չեմ»: Մհեր Շահգելդյանը խոսեց նաեւ տեսախցիկների տեղադրման մասին, երբ իշխանությունները գումարի պակասի պատճառով նշում են, որ հնարավոր է տեղամասերի մի մասում դրանք լինեն. «Սա ֆարսի տպավորություն է թողնում. սա նշանակում է, որ իշխանությունները գնում են կեղծարարության, ու եթե առաջ ընտրազանգվածին էին փորձում երկու մասի բաժանել, ապա հիմա էլ ընտրատեղամասերը` տեսախցիկով եւ առանց դրա»: Այն հարցին, թե արդյոք Գագիկ Ծառուկյանի վերադարձով կնվազեն ՀՎԿ ձայները, նա բացառեց` նշելով, որ իրենք իրենց կայուն ընտրազանգվածն ունեն։
