A
A
Հենրիխ Մխիթարյանը մասնակցեց «Ուիգանի» ջախջախմանը (տեսանյութ)
Ֆուտբոլի Հայաստանի հավաքականի ավագ Հենրիխ Մխիթարյանը օգնեց իր թիմին՝ «Մանչեսթեր Յունայթեդին», հաղթահարելու Անգլիայի գավաթի խաղարկության հերթական փուլը: Այսօր կայացած 1/16 եզրափակիչ խաղում մանչեսթրցիները սեփական դաշտում ընդունեցին Չենպիոնշիփում հանդես եկող «Ուիգանին» եւ վստահ հաղթանակ տարան՝ 4:0: Տանտերերի երրորդ գոլը հեղինակեց Հենրիխ Մխիթարյանը, որը Մարտյալի փոխանցումից հետո առաջինը հասավ գնդակին եւ մոտիկից գրավեց դարպասը: «Մանչեսթեր Յունայթեդը» հաջորդ հանդիպումը կանցկացնի փետրվարի 2-ին: Այդ օրը Ժոզե Մուրինյոյի թիմը Անգլիայի առաջնության շրջանակում սեփական դաշտում կհյուրընկալի «Հալ Սիթիին»:
