A
A
Մարիո Բալոտելին վիրավորել է 80 տարեկան կնոջը
Ֆրանսիական «Բաստիա» թիմի գլխավոր մարզիչ Ֆրանսուա Չիկորելին հայտարարել է, որ «Նիսի» իտալացի հարձակվող Մարիո Բալոտելին վիրավորանք է հասցրել իր մորը:
«Եթե նա ինձ վիրավորեր, ապա ես ոչինչ չէի ասի նրան: Սակայն նա սկսեց վիրավորել իմ մորը, որը 80 տարեկան է եւ գտնվում է մահամերձ վիճակում: Ես անչափ զայրացացած եմ», - ֆրանսիացի մասնագետն այդպես է բացատրել իր եւ իտալացի խաղացողի միջեւ եղած լեզվակռիվը:
Միջադեպը տեղի է ունեցել Ֆրանսիայի առաջնության «Բաստիա» - «Նիս» հանդիպման ավարտից հետո, հանդերձարան տանող թունելում: Ի դեպ, այդ խաղից հետո Մարիո Բալոտելին դժգոհել էր «Բաստիայի» երկրպագուների պահվածքից՝ մեղադրելով նրանց ռասսայական խտրականության մեջ:
