A
A
Երևանի բժիշկները այցելել են Ստեփանակերտի «Մանկական» հիվանդանոց
Երևանի քաղաքապետ Տարոն Մարգարյանի գլխավորած պատվիրակության ԼՂՀ կատարած պաշտոնական այցի շրջանակում Ստեփանակերտում գտնվող Երևանի քաղաքապետարանի աշխատակազմի առողջապահության վարչության պետ Կամսար Բաբինյանը, Երևանի «Սուրբ Աստվածամայր» ԲԿ տնօրեն Նիկոլայ Դալլաքյանը և «Շտապբուժօգնություն» ՓԲԸ տնօրեն Թագուհի Ստեփանյանն այցելել են Ստեփանակերտի «Մանկական» հիվանդանոց: Երևանի վերոնշյալ բուժհաստատության մասնագետները՝ վիրաբույժ, նյարդաբան, մանկաբույժ, քիթ-կոկորդ-ականջ հիվանդությունների մասնագետ, տեղում կազմակերպել են հիվանդների հետազոտում, նաև անցկացրել են խորհրդատվություններ, անհրաժեշտության դեպքում՝ նաև բժշկական միջամտություններ: Բացի այդ, ԼՂՀ առողջապահության նախարարությանը փոխանցվել է անհրաժեշտ դեղորայք:
