«Ազատությունը 21-րդ դարում». ԵՊՀ ուսանողները ֆոտոցուցահանդես են կազմակերպել
ԵՊՀ ժուռնալիստիկայի ֆակուլտետի ուսանողները ֆոտո- ցուցահանդես են կազմակերպել, նախորդ կիսամյակում ձեռք բերած գիտելիքներն ու աշխարհըմբռնման սեփական տարբերակները երիտասարդներն ամփոփել էին լուսանկարներում.
«Այսօրվա երիտասարդության մտքի թռիչքը սահմաններ չի ճանաչում»,- ասում է ներկաներից մեկը` լսելով ուսանողների մեկնաբանություններն իրենց աշխատանքների մասին:
Սաթենն իր մի լուսանկարը վերնագրել է«Ազատությունը 21-րդ դարում», հեղինակն այն այսպես է մեկնաբանում. « Երիտասարդը քայլում է Հյուսիսային պողոտայով, իսկ դիմացի մայթի խաչի տեսքով ճանապարհային նշանները այդ «ազատության» սահմանափակումներն են»:
Սաթենի մեկ այլ` «Անմահները » լուսանկարում գրքերի շողքն ընկնում է աթոռի վրա` ստեղծելով մարդու դեմք:
Նորայրի տեսախցիկը ֆիքսել է կենդանական աշխարհի ներկայացուցիչներին,- «լուսանկարներից մի քանիսն արվել են Նյու- Յորքի կենդանաբանական այգում»,- նշում է Նորայրը
Յուրօրինակ է ստացվել Կատարինեի «Մի փոքրիկ Երևան» լուսանկարը, որն ինչպես ինքն է ասում՝ ցուցահանդեսի ավարտին նվիրելու է:
Անուշի « Անդալուսիա» լուսանկարում Իսպանիայի համանուն ինքնավար մարզի քաղաքներից մեկի եկեղեցին է, Անուշին գրավել է այն, որ կառույցի մուտքը նեղլիկ փողոցի կողմից է, ինչը չես կարող ասել մեր եկեղեցիների մասին:
Ցուցահանդեսը բաց կլինի մինչև հունվարի 22-ը Առնո Բաբաջանյանի անվան համերգասրահի ճեմասրահում:
