«Առատ սեղաններով չպետք է փոխհատուցել ներքին ուրախության պակասը» (տեսանյութ)
200 հազար դրամ. մոտ այսքան գումար կպահանջվի` ոչ ճոխ Ամանորյա սեղանի համար։ Անցած տարիների պես՝ նախատոնական օրերին գները կրկին բարձրացել են: Այսուամենայնիվ, փողոցներում տոպրակներով մարդկանց պակաս առանձնապես չկա: Յուրաքանչյուրը փորձում է հնարավորինս առատ դարձնել իր տան սեղանը։ Որքան էլ ասվում է, թե տոնը չպետք է վերածվի ուտելիքի պաշտամունքի, միեւնույն, Նոր տարվա ընկալումը մնում է նույնը։ Ազգագրագետ Հրանուշ Խառատյանն ընդգծում է՝ միշտ էլ հասարակության որոշ շերտ ունեցել է ունեցվածքի ցուցադրության մրցակցություն: «Դա միշտ եղել է ժամանակի ու արժեքների շրջանակում, այսօրվա ժամանակները նաեւ կոկորդիլոսի տեսականիով են բնորոշվում»: Կան ուտեստներ, որոնք այս օրն անպայման պետք է լինեն սեղանին, ոչ թե մրցակցության, այլ իրենց մեջ կրող իմաստի ու նշանակության պատճառով: «Իմ սեղանին միշտ կա կանեփով եւ ցորենով աղանձ, ընդեղենների տեսականի՝ աշխատում եմ միշտ 7 տեսականի խառնած միշտ ունենալ: Շատ կարեւորում եմ ծիրանի չրի, նուշի, բրնձի անուշապուրը, որն իր մեջ պարունակում են չարի ու բարու, հնի ու նորի բոլոր սիմվոլները»,-ասում է ազգագրագետը: Որ նոր տարին չի կարելի փակ դռներով, մարած լույսերով ու դատարկ սեղաններով դիմավորել՝ նաեւ ազգագրագետն է ընդգծում, սակայն կարեւոր է, որ մարդիկ առատ սեղաններով չփոխհատուցեն ներքին ուրախության պակասը: Քաղաքացիների հետ զրույցը՝ տեսանյութում