A
A
ԿԸՀ-ն սահմանել է ընտրացուցակում ընդգրկվող թեկնածուների առավելագույն թիվը
ՀՀ կենտրոնական ընտրական հանձնաժողովն այսօր գումարել է արտահերթ նիստ: Նիստի ընթացքում հանձնաժողովը հաստատել է Հանրապետության նախագահի հրամանագրով 2017 թվականի ապրիլի 2-ին նշանակված Ազգային ժողովի հերթական ընտրությունների նախապատրաստման և անցկացման հիմնական միջոցառումների ժամանակացույցը: Կենտրոնական ընտրական հանձնաժողովը, հիմք ընդունելով լիազոր մարմնի կողմից ըստ ընտրական տարածքների ընտրողների թվի վերաբերյալ տրամադրված տեղեկանքը և ընտրողների ռեգիստրի թիվը, որոշմամբ սահմանել է Ազգային ժողովի ընտրություններին յուրաքանչյուր ընտրական տարածքում կուսակցության, կուսակցությունների դաշինքի տարածքային ընտրական ցուցակում ընդգրկվող թեկնածուների առավելագույն թիվը: Ըստ այդմ`
Ընտրական տարածք | Ընտրական տարածքի տարածքային ընդգրկումը | Ընտրական տարածքում ընտրողների թիվը՝ ըստ ընտրողների ռեգիստրի | Ընտրական տարածքի տարածքային ընտրական ցուցակում ընդգրկվող թեկնածուների առավելագույն թիվ |
Թիվ 1 ընտրական տարածք | Երևան քաղաքի Ավան, Նոր Նորք, Քանաքեռ-Զեյթուն վարչական շրջաններ | 198.537 | 13 |
Թիվ 2 ընտրական տարածք | Երևան քաղաքի Արաբկիր, Աջափնյան, Դավթաշեն վարչական շրջաններ | 210.687 | 14 |
Թիվ 3 ընտրական տարածք | Երևան քաղաքի Մալաթիա-Սեբաստիա, Շենգավիթ վարչական շրջաններ | 222.434 | 14 |
Թիվ 4 ընտրական տարածք | Երևան քաղաքի Կենտրոն, Նորք-Մարաշ, Էրեբունի, Նուբարաշեն վարչական շրջաններ | 206.883 | 13 |
Թիվ 5 ընտրական տարածք | Արարատի մարզ | 220.309 | 14 |
Թիվ 6 ընտրական տարածք | Արմավիրի մարզ | 232.232 | 15 |
Թիվ 7 ընտրական տարածք | Արագածոտնի մարզ | 117.455 | 7 |
Թիվ 8 ընտրական տարածք | Գեղարքունիքի մարզ | 187.263 | 12 |
Թիվ 9 ընտրական տարածք | Լոռու մարզ | 238.975 | 15 |
Թիվ 10 ընտրական տարածք | Կոտայքի մարզ | 237.419 | 15 |
Թիվ 11 ընտրական տարածք | Շիրակի մարզ | 231.982 | 15 |
Թիվ 12 ընտրական տարածք | Սյունիքի և Վայոց ձորի մարզեր | 152.805 | 10 |
Թիվ 13 ընտրական տարածք | Տավուշի մարզ | 107.353 | 7 |