A
A
«Շիրակը» սեփական խաղադաշտում հաղթեց, իսկ «Արարատը»՝ պարտվեց
Այսօր կայացան ֆուտբոլի Հայաստանի բարձրագույն խմբի 10-րդ տուրի առաջին երկու հանդիպումները: Մրցաշարի առաջատար Գյումրիի «Շիրակը» սեփական խաղադաշտում 1:0 հաշվով հաղթեց Կապանի «Գանձասար-Կապանին»: Միակ գոլը 60-րդ րոպեին խփեց ամերիկացի լեգեոնական Բրիան դե լա Ֆուենտեն: Օրվա մյուս խաղում առաջնության ետնապահ Երեւանի «Արարատը» մրցեց երկրորդ տեղում ընթացող «Ալաշկերտի» հետ: Խաղի ելքը վճռվեց հանդիպման վերջին րոպեին Վահագն Մինասյանի խփած գոլը: «Ալաշկերտը» հաղթեց 2:1 հաշվով եւ պահպանեց «Շիրակի» հետ եղած 2 միավորի տարբերությունը: Տուրի երրորդ խաղում, որը տեղի կունենա վաղը, Երեւանի «Բանանցը» կհյուրընկալի «Փյունիկին»: