Որտեղի՞ց են եկել «անծանոթ» նախարարները
Այսօր Սերժ Սարգսյանը ՀՀ կառավարությունում նոր նշանակումներ է արել։ Ովքեր են լայն հասարակությանն անծանոթ նախարարները։
Գյուղատնտեսության նորանշանակ նախարար Իգնատի (Իգոր) Առաքելյանը 2015 թ.-ից մինչ օրս զբաղեցնում էր Երեւանի կոնյակի գործարանի գործադիր տնօրենի պաշտոնը։
Էներգետիկայի եւ բնական պաշարների նախարար Աշոտ Մանուկյանը վերջին տարիներին Հրազդանի ՋԷԿ-ի գլխավոր տնօրենն էր: 1998-99-ին՝ Արմեն Դարբինյանի վարչապետության օրոք կառավարության աշխատակազմի ղեկավար է աշխատել: 1999- 2001-ին՝ Հայաստանի ազգային հեռուստատեսությունում եղել է գործադիր տնօրենի տեղակալ, այնուհետեւ՝ Հայաստանի հանրային հեռուստառադիոընկերության խորհրդի փոխնախագահ:
Տրասնպորտի եւ կապի նախարար Վահան Մարտիրոսյանը 2008-ից մինչ օրս եղել է «ՋԻԷՆՍԻ-ԱԼՖԱ» ընկերության տնօրենների խորհրդի նախագահը:
Աշխատել է Երեւանի էլեկտրաապարատների գործարանում, 2006-ին եղել է «ԱրմենՏել» ընկերության գլխավոր կոմերցիոն տնօրենը։
Ֆինանսների նախարարի պաշտոնում նշանակված Վարդան Արամյանը նախագահի աշխատակազմի ղեկավարի առաջին տեղակալն էր, իսկ դրանից առաջ՝ ֆինանսների նախարարի տեղակալը, երկար տարիներ աշխատել է Կենտրոնական բանկում։
Նա ավարտել է Երևանի պետական ժողովրդական տնտեսության ինստիտուտը եւ Թաֆթս համալսարանի (Բոստոն) Ֆլետչեր դպրոցը:
