Դավիթ Սանասարյանը լուրջ բուժզննման կարիք ունի. պաշտպան
«Ժառանգություն» կուսակցության ձերբակալված խոսնակ Դավիթ Սանասարյանի առողջական վիճակը երեկ կտրուկ վատացել է. երիկամային խնդիրների պատճառով նրա մոտ ցավերը ուժգնացել են։ Ինչպես «Ա1+» -ին տեղեկացրեց Սանասարյանի իրավապաշտպան Ռոբերտ Ռևազյանը, իր պաշտպանյալը ներկայումս գտնվում է «Նուբարաշեն» քրեակատարողական հիմնարկում։ Առաջիկայում նա պետք է բուժզննում անցնի, որից հետո պարզ կդառնա, թե որտեղ եւ ինչ պայմաններում նպատակահարմար կլինի բուժում անցկացնել։ Դավիթ Սանասարյանի նկատմամբ խափանման միջոց է սահմանվել երկամսյա կալանքը։ Հիշեցնենք, երեկ Դավիթ Սանասարյանի ինքնազգացողությունը կտրուկ վատացել է հենց դատարանում։ Երբ ցավերը սաստկացել են, շտապօգնություն են կանչել։ Բժիշկները զգուշացրել են, որ եթե Դավիթ Սանասարյանն անհապաղ բուժօգնություն չստանա, դա կարող է լուրջ հետեւանքներ ունենալ իր առողջության համար: Մինչդեռ դատարանը հրապարակել է վճիռը, ըստ որի՝ Դավիթ Սանասարյանին տարել են հիվանդանոց, այլ՝ կալանավայր:
