Իրավիճակը Խորենացի փողոցում (տեսանյութ)
06. Գիշերը Խորենացի փողոցում ոչ մի արտառոց բան տեղի չի ունեցել:
04.21 Խորենացի փողոցը այս պահին դատարկ է,մնացել են երկու հոգի ցուցարար, ծառայություն են իրականացնում քիչ թվով ոստիկաններ:
01. 45 Ոստիկանական պատը նոսրացավ: Խորենացի փողոցում խաղաղ է:
01. 13. Հավաքի մասնակիցները որոշեցին գնալ տուն և վաղը, ժամը 20.00-ին հավաքվել Ազատության հրապարակում:
01. 00 Հարություն Աղլամազյանն առաջարկում է ոստիկանությանը՝ հանել հագուստն ու միանալ ժողովրդին: Այնուհետ փորձում քվեարկության դնել հարցը՝ ով է ուզում մնալ Խորենացիում: Նրա ելույթը հարուցեց մարդկանց դժգոհությունը; Առանձին խմբեր քննարկում են, թե ինչպես շարունակեն պայքարը:
00. 30 ՊՊԾ գնդի տարածքից կրակոցներ արձակվեցին՝ անօդաչու թռչող սարքի ուղղությամբ:
Ոստիկանությունը կոչ արեց չխախտել համակեցության կանոնները:
00. 20 Ոստիկանության փոխգնդապետ Այվազյանը հայտարարեց, որ նախորդ գիշերվանից բոլոր բերման ենթարկվածներն ազատ են արձակվել, բացի մի քանի հոգուց, որոնք ցուցմունք են տալիս:
https://youtu.be/cXTNFYTdw2M
Ի պատասխան քաղաքացիները հնչեցրին իրենց պահանջները. ըստ Հիմնադիր խորհրդարանի անդամ Հարություն Աղլամազյանի՝ հնարավորություն, որպեզի Սասնա ծռերը միանան իրենց, Սերժ Սարգսյանի հրաժարական, ժողովրդի վստահության կառավարության ձևավորում:
Մտավորականներ Գագիկ Գինոսյանին, Ավետիք Իշխանյանին նա հրավիրում է նստացույցի:
Հիմնադիր խորհրդարանը հայտարարություն է տարածել.
Այս պահին Երևանի Խորենացի փողոցում ընթանում է Հայաստանի հանրապետության քաղաքացիների բազմահազարանոց ցույցը, որն իր համերաշխությունն է հայտնում Սասնա Ծռերի ապստամբների պահանջներին: Հնարավոր անհարկի սադրանքներից , առավել ևս արյունահեղությունից խուսափելու նպատակով պահանջում ենք անհապաղ ազատ արձակել Հակաճգնաժամային նախաձեռնող խմբի՝ այսօր ավելի վաղ ձերբակալված բոլոր անդամներին: Հայաստանի հանրապետության քաղաքացիների բազմահազարանոց ցույցը բռնի ուժով ճնշելու ողջ պատասխանատվությունը ընկնում է գործող իշխանության ու անձամբ Սերժ Սարգսյանի վրա:
23. 42 Մինչև 00.30 ցուցարարները ժամանակ տվեցին իշխանություններին՝ բաց թողնել բերման ենթարկվածներին: Նրանք նստացույց են սկսել: Ի դեպ, ժողովուրդը չհասավ ոստիկաններին, այլ նստեց մի փոքր հեռու:
23. 30 Խորենացի փողոցում ոստիկանական ուժեր են կուտակված: Ազատության հրապարակից մի քանի հազար մարդ երթով եկավ այստեղ: Համակարգող խորհրդի անդամներն այստեղ չեն: Մի քանի երիտասարդ կանանց առաջին շարքերից հեռացրին:
Ավելի շատ տեսանյութեր այսօրվա իրադարձություններից դիտեք այստեղ //a1plus.am/category/videos
Խորենացի փողոցից ողջ օրվա ընթացքում ոստիկանները բերման են ենթարկել այնտեղ հայտնված ցանկացած քաղաքացու. չեն խնայել կանանց ու մեծահասակներին։ Դրանից հետո որոշում կայացվեց հանրահավաք կազմակերպել Ազատության հրապարակում: Այստեղից էլ մեկնարկեց երթ դեպի Խորենացի; Այդ ընթացքում համակարգող խորհրդի անդամներ Արմեն Մկրտչյանին, Արմեն Մարտիրոսյանին, Դավիթ Սանասարյանին և Անդրիաս Ղուկասյանին տարան Քննչական կոմիտե՝ ըստ Արմեն Մկրտչյանի գրառման:
Ի դեպ, բերման է ենթարկվել նաև սփյուռքահայ դերասանուհի Արսինե Խանջյանը:
