A
A
Քաղաքացիներին տանում են ոստիկանության Ներքին զորքերի զորամաս
Խորենացի փողոցից բերման ենթարկվածների մեծ մասին տարել են Ոստիկանության Ներքին զորքերի զորամաս: Երեւանի ավագանու անդամ Դավիթ Սանասարյանը նշեց, որ զորամասում բազմաթիվ մարդիկ կան եւ չի կարող խոսել: Իրավապաշտպան Արթուր Սաքունցի խոսքերով՝ մարդկանց զորամաս բերման ենթարկելը վկայում է ոստիկանության ոչ իրավաչափ գործողությունների մասին: «Միանգամից տանեիք Գորիս»,- նշում է իրավապաշտպանը: Նրա խոսքերով՝ երբ անձին բերման են ենթարկում, քննչական գործողությունները պետք է կատարվեն ոստիկանության կամ քննչական բաժնում: «Որեւէ կետ չկա, որ գործողությունները պետք է կատարվեն ոստիկանության Ներքին զորքերի զորամասում»,- նշեց իրավապաշտպանը: Ի դեպ, ոստիկանության ներքին զորքերի զորամասը ծառայության վայր է: